Presidenti i përkohshëm i vetë-deklaruar i Venezuelës, Juan Guaido, të hënën u kthye në Venezuelë, duke rrezikuar arrestimin për shkeljen e rregullit të udhëtimit në përpjekjen e tij për të rrëzuar presidentin e Venezuelës, Nicolas Maduro, shkruan BBC përcjell arbresh.info.
Guaido u takua me turma të shumta të mbështetësve të tij dhe disa diplomatëve evropianë, pasiqë zbriti në aeroportin e Caracas të hënën, ku deklaroi:
“Ne jemi këtu në Venezuelë, jemi më të fortë se kurrë”.
“Ne do ta ndalim uzurpimin shumë shpejt në Venezuelë,” tha ai. Guaido shtoi se pavarësisht rreziqeve, “ata nuk do të ndalen”.
Ai u ngjit në majë të një makine, duke valëvitur flamurin e Venezuelës dhe duke bërtitur “Po ne mundemi!” para se të shkonte në një shesh në kryeqytet, ku ai u mirëprit nga turma të mëdha simpatizantësh.
Sipas një ndihmësi të lartë, Guaido u kthye në vend në një kompani ajrore tregtare, Copa Airlines, nga Panama City./arbresh.info./
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...